Weather alert : राज्यात शनिवारी वादळी पाऊस, 26 जिल्ह्यांना यलो अलर्ट

मागील तीन ते चार दिवसांपासून राज्यातील विविध भागांत पावसाची शक्यता वर्तवण्यात येत आहे. काही भागांत हलका ते मध्यम स्वरूपाचा पाऊस झालाय तर काही भागांत अजूनही नागरिकांना उन्हाचे चटके सोसावे लागत आहेत. 9 ऑगस्ट रोजीही राज्यातील पश्चिम महाराष्ट्र, मराठवाडा आणि विदर्भात वादळी पावसाची शक्यता हवामान विभागानं वर्तवली आहे. राज्यातील 26 जिल्ह्यांना पावसाचा येलो अलर्ट जारी करण्यात आला आहे. पाहुयात 9 ऑगस्ट रोजी राज्यातील हवामानाची स्थिती कशी राहील.

मुंबईत ढगांच्या गडगडाटासह हलक्या ते मध्यम स्वरूपाच्या पावसाची शक्यता हवामान विभागानं वर्तवली आहे. मुंबईसह पालघर, ठाणे, रायगड, सिंधुदुर्ग या जिल्ह्यांत ढगांच्या गडगडाटासह हलक्या ते मध्यम स्वरूपाच्या पावसाची शक्यता आहे. तर रत्नागिरी जिल्ह्यांत विजांच्या कडकडाटासह आणि वादळी वाऱ्यासह पावसाची शक्यता वर्तवण्यात आली आहे. रत्नागिरीला पावसाचा यलो अलर्ट जारी करण्यात आला आहे.

पश्चिम महाराष्ट्रात 9 ऑगस्ट रोजी सर्वच जिल्ह्यांत वादळी पावसाची शक्यता वर्तवण्यात आली आहे. पुणे, पुणे घाटमाथा, कोल्हापूर घाटमाथा, कोल्हापूर, सातारा, सातारा घाटमाथा, सांगली, सोलापूर या सर्वच ठिकाणी वादळी वाऱ्यासह आणि विजांच्या कडकडाटासह पावसाची शक्यता असल्याने पावसाचा यलो अलर्ट जारी करण्यात आला आहे.

मराठवाड्यातील छत्रपती संभाजीनगर आणि जालना जिल्ह्यांत ढगांच्या गडगडाटासह हलक्या ते मध्यम स्वरूपाच्या पावसाची शक्यता आहे. परभणी, बीड, हिंगोली, नांदेड, लातूर आणि धाराशिव या सर्व जिल्ह्यांत विजांच्या कडकडाटासह आणि वादळी वाऱ्यासह पावसाची शक्यता आहे. या 6 जिल्ह्यांना पावसाचा यलो अलर्ट जारी करण्यात आला आहे.

उत्तर महाराष्ट्रातील नाशिक, धुळे, नंदुरबार, जळगाव आणि घाटमाथा परिसरात ढगांच्या गडगडाटासह हलक्या ते मध्यम स्वरूपाच्या पावसाची शक्यता आहे. या जिल्ह्यांना कुठलाही अलर्ट जारी करण्यात आलेला नाही.

विदर्भातील नागपूर, अकोला, अमरावती, भंडारा, चंद्रपूर, गडचिरोली, गोंदिया, वर्धा, वाशिम आणि यवतमाळ या सर्व जिल्ह्यांत विजांच्या कडकडाटासह आणि वादळी वाऱ्यासह पावसाची शक्यता वर्तवण्यात आली आहे. या 10 जिल्ह्यांना पावसाचा यलो अलर्ट जारी करण्यात आला आहे. तर बुलढाणा जिल्ह्यांत कुठलीही पावसाची शक्यता नाही.

9 ऑगस्ट रोजी राज्यातील विविध भागांत वादळी पावसाची शक्यता वर्तवण्यात आली आहे. 26 जिल्ह्यांना पावसाचा येलो अलर्ट जारी करण्यात आला आहे. त्यामुळे शेतकऱ्यांनी पिकांची काळजी घेणे आवश्यक आहे.