मुंबई पुणे-एक्स्प्रेस वेवर विचित्र अपघात, कंटेनरने 3 वाहनांना चिरडलं, Kia SUV चा चक्काचूर, घटनास्थळाचे PHOTOS

नाताळाच्या सुट्ट्या सुरू झाल्यामुळे मुंबई आणि पुणे शहरातून बाहेर जाणाऱ्या पर्यटकांची संख्या वाढली आहे. त्यामुळे मुंबई पुणे एक्स्प्रेस वेवर गर्दी उसळली आहे. अशातच मुंबई पुणे एक्स्प्रेस वेवर एक विचित्र अपघात घडला आहे. भरधाव कंटेनर उलटला, त्यामुळे ३ वाहनांना धडक दिली. या अपघातात ६ जण जखमी झाले आहे. यात २ जणांची प्रकृती गंभीर असल्याचं सांगितलं जात आहे.

मिळालेल्या माहितीनुसार, मुंबई पुणे एक्स्प्रेस वेवर दुपारच्या सुमारास हा अपघात घडला. भरधाव कंटेनरने ३ वाहनाांना धडक दिली आणि त्यानंतर उलटला.

मुंबई पुणे एक्सप्रेस वेवर खोपोलीजवळ पुण्याहून मुंबई कडे जाणाऱ्या लेनवर कंटेनर उलटल्याने समोर जाणाऱ्या तीन कारला जोरदार धडक दिली.

कंटेनरने धडक दिल्याने एकापाठोपाठ आलेल्या ३ गाड्यांना धडक बसली. यामध्ये कियाची kia carens एसयूव्हीचं मोठं नुकसान झालं आहे.

हा अपघात इतका भीषण होता की, कंटेनरच्या धडकेमध्ये kia carens चा चक्काचूर झाला आहे. कारमधील प्रवासी गंभीर जखमी झाले आहे.

तर कंटेनरच्या धडकेत क्रेटासह volkswagen च्या कारचं मोठं नुकसान झालं आहे. volkswagen कारही थोडक्यात बचावली आहे, पण कारच्या मागील भाग अपघातग्रस्त झाला आहे.

अपघाताची माहिती मिळताच वाहतूक पोलिसांनी घटनास्थळी धाव घेतली. या अपघातात कारमधील सहा जण जखमी झाले आहे.

अपघातात जखमी झालेल्या सहा जणांपैकी दोघांची प्रकृती चिंताजनक असल्याचे माहिती मिळत आहे. सहा जणांना कामोठे येथील एमजीएम रुग्णालयात उपचारासाठी दाखल करण्यात आले आहे.

मुंबई पुणे एक्स्प्रेसवर कंटेनर उलटल्यामुळे काही काळ वाहतूक ठप्प झाली होती. अपघातग्रस्त कंटेनर क्रेनच्या मदतीने बाजूला करण्यात आला. त्यानंतर वाहतूक सुरळीत झाली आहे. कंटेनर नेमका का उलटला होता, याचा तपास पोलीस करत आहे.