मतदानाच्या अवघ्या काही तासआधी ड्रामा, मावळात राष्ट्रवादीच्या उमेदवाराच्या गाडीच्या बोनेटमध्ये सापडलं घबाड

मावळ तालुक्यात पंचायत समिती निवडणूक प्रचारादरम्यान राष्ट्रवादी काँग्रेसच्या उमेदवार पैसे वाटप करत असल्याचा आरोप करण्यात आला आहे.

त्यानंतर टाकवे पंचायत समिती गणामधील शिवसेना शिंदे गटाच्या उमेदवार अश्विनी कोंडे यांनी राष्ट्रवादी काँग्रेसच्या उमेदवाराच्या गाडीत असलेले पैसे पकडले.

मात्र पोलीस कारवाई करण्याआधीच महायुतीच्या उमेदवार अश्विनी कोंडे यांनी या गाडीच्या समोरच ठिय्या मांडला.

मात्र मोठ्या संख्येने भाजपचे कार्यकर्ते या गाडीमधील पैसे बाहेर काढले व कार्यकर्ते आक्रमक झाले.

त्यामुळे काही वेळासाठी त्याठिकाणी तणाव निर्माण झाला. तातडीने पोलिसांनी घटनास्थळी धाव घेत गाडीमधील पैसे ताब्यात घेतले.

मात्र सोशल मीडियावर या घटनेचे व्हिडिओ व्हायरल झाल्याने मावळमध्ये मतदानाआधी पैशांचा पाऊस पडत असल्याचे बोलले जात आहे.

यानंतर मुळशीच्या राजकीय वर्तुळात एकच खळबळ उडाली. या प्रकारानंतर निवडणूक आयोग काय कारवाई करणार, हे पाहावे लागेल.