या जन्मतारखेचे लोक असतात प्रचंड भाग्यवान! सौंदर्य, धनसंपत्ती असते भरपूर, राजासारखं जगतात

आपण आपली जन्मतारीख हा आपल्यासाठी लकी नंबर मानतो. अंकशास्त्रानुसार, खरोखर आपली जन्मतारीख भाग्याचीच असते. परंतु केवळ जन्मतारीखच नाही, तर त्यापेक्षा जास्त लकी ठरतो आपला मूलांक.

जर आपली जन्मतारीख 1 ते 9 दरम्यान असेल तर तोच आपला मूलांक असतो. जर आपला जन्म 2 आकडी तारखेला झाला असेल तर त्या दोन्ही अंकांची बेरीज करायची, जोपर्यंत त्यातून 1 अंकी उत्तर मिळत नाही तोपर्यंत हे गणित करत राहायचं. मग मिळणारं उत्तर हा आपला मूलांक असतो. उदाहरणार्थ, जर आपली जन्मतारीख 29 असेल तर गणित होईल 2+9=11 मग 1+1=2 म्हणजेच 2 हा आपला मूलांक असेल.

उत्तराखंडच्या ऋषिकेश भागातील प्रसिद्ध ज्योतिषी अखिलेश यांनी ही माहिती दिली आहे. त्यांनी सांगितलं, ज्या व्यक्तींचा मूलांक 6 असतो त्या अत्यंत भाग्यवान मानल्या जातात. कोणत्याही महिन्याच्या 6, 15 आणि 24 तारखेला जन्मणाऱ्या व्यक्तींचा मूलांक असतो 6.

मूलांक 6 असलेल्या व्यक्तींना जणू प्रेम, समृद्धी आणि आकर्षक रुपाचं वरदान मिळालेलं असतं. हे लोक स्वत: सुंदर दिसतातच, शिवाय इतरांप्रती सौंदर्य आणि कलाप्रेमी असतात.

या व्यक्ती स्वभावानं प्रचंड दयाळू असतात, इतरांच्या मदतीला सदैव धावून जातात. त्यांच्यात अफाट सकारात्मकता असते. हेच त्यांचं महत्त्वपूर्ण वैशिष्ट्य मानलं जातं कारण त्यांच्याकडून इतरांनाही भरपूर सकारात्मकता मिळते.

या व्यक्ती आयुष्यात सहज बॅलन्स राखतात. कोणत्याही परिस्थितीत शांत राहतात. तसंच कोणत्याही परिस्थितीतून समृद्धी मिळवू शकतात. त्यांच्या आयुष्यात आकर्षण आणि प्रेमाचं वर्चस्व असतं. त्यातूनच त्या नशीबवान ठरतात.

सूचना : इथं दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज18 मराठी त्याची हमी देत नाही.