Lunar eclipse: तब्बल 100 वर्षांनी रंगपंचमीवर ग्रहण; 5 राशींच्या आयुष्याची होळी!

Holi and Lunar eclipse: ज्योतिषांनी दिलेल्या माहितीनुसार, 25 मार्चला सकाळी 10 वाजून 23 मिनिटांपासून दुपारी 3 वाजून 02 मिनिटांपर्यंत चंद्रग्रहण होतं.

Lunar eclipse: चंद्रग्रहणामुळे अनेक अशुद्ध योग निर्माण होतील, असं ज्योतिषांनी सांगितलं होतं. कारण एकीकडे मीन राशीत सूर्य आणि राहू ग्रहांच्या युतीतून ग्रहण योग तयार होतोय, तर दुसरीकडे शनी उदय अवस्थेत आल्याने सूर्याची उग्र अवस्था सुरू होतेय. शिवाय कुंभ राशीत शनी आणि मंगळ या दोन ग्रहांची खतरनाक युती होणार आहे. ग्रहांच्या या स्थितीतून काही राशींच्या वाट्याला ओंजळीत मावणार नाही एवढं सुख येईल, तर 5 राशींच्या वाट्याला मात्र अडचणींमागून अडचणी येतील.

मेष : आपल्यासाठी ही धूळवड संकटांची आहे. विशेषत: आपल्या करियरमध्ये अडथळे येतील. या सणानंतर आपल्या अडचणी आणखी वाढतील. आर्थिक नुकसान सोसावं लागेल. आजारी पडू शकता, त्यामुळे आरोग्याची काळजी घ्या. 

वृषभ : आपल्याला नोकरीत अडचणी येतील. आपल्यावर भरपूर काम पडेल. वरिष्ठांकडून ओरडा मिळेल, त्यांचा रागही सहन करावा लागेल. बढती मिळणं थांबू शकतं.

कुंभ : आपल्याला अनेक अडचणींचा सामना करावा लागेल. विशेषत: जोडीदारासोबत भांडण होईल, नातं कडवट होईल. व्यवसायात मोठं आर्थिक नुकसान होण्याची शक्यता आहे. 

कन्या : आपल्यासाठी सूर्य आणि राहूच्या युतीतून तयार होणारा ग्रहण योग अशुभ ठरणार आहे. त्यामुळे करियर आणि व्यवसायात प्रचंड अडचणी येतील. कुटुंबात भांडण होईल. आपण जरा शब्द जपून वापरावे.

मीन : आपल्याला करियरमध्ये भरपूर अडथळे सोसावे लागतील. व्यवसायावर गंभीर परिणाम होईल. नाती तुटण्याचीही शक्यता आहे. तणाव वाढेल. आरोग्यासंबंधित अडचणी वाढतील. त्यामुळे काळजी घ्या.