Ram Navami 2024: राम नवमी दिवशी चुकूनही करू नयेत या 4 गोष्टी; कुटुंबाच्या प्रगतीवर होईल परिणाम

अशा काही गोष्टी आहेत, ज्या प्रत्येक भक्ताने रामनवमीच्या दिवशी करणे टाळले पाहिजे, अन्यथा त्याचे दुष्परिणाम जीवनात दिसू शकतात. ज्योतिषी आणि वास्तु सल्लागार पंडित हितेंद्रकुमार शर्मा यांनी याबद्दल सविस्तर माहिती दिली आहे.

फुले आणि फळे - रामनवमीचा सण देशभरात मोठ्या उत्साहात साजरा केला जातो. सनातन धर्मात या दिवसाचे विशेष महत्त्व आहे. चुकूनही रामनवमीला प्रभु श्री रामाची पूजा करताना शिळी व सुकलेली फुले व फळे वापरू नयेत.

तामसिक अन्न सेवन करू नये - रामनवमीच्या दिवशी कोणत्याही व्यक्तीने चुकूनही लसूण, कांदा, मांस, मद्य इत्यादी तामसिक अन्न सेवन करू नये. रामाच्या अवकृपेमुळे आयुष्यात मिळणारी सुख-समृद्धी संपुष्टात येऊ शकते.

विझलेला दिवा लावू नये - रामनवमीच्या दिवशी प्रभु श्री रामाच्या पूजेदरम्यान काही कारणाने दिवा विझला तर चुकूनही तो पुन्हा लावू नका. त्याऐवजी दुसरा नवीन दिवा लावा. असे न केल्यानं आपलं चांगलं कामही खराब होऊ शकते.

वाद-विवाद टाळा - रामनवमीच्या दिवशी प्रभु श्री रामासाठी उपवास केला जातो. या दिवशी, आपल्या रागावर नियंत्रण ठेवा आणि कोणत्याही व्यक्तीशी भांडणे टाळा. अन्यथा आपल्याला व्रताचे फळ मिळणार नाही आणि इच्छा अपूर्ण राहतील. (सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)