Vastu Tips : घरात लावा 'हे' खास रोप; पैसा आणि नशीब दोन्ही चालून येईल तुमच्या दारी!

प्रत्येकाच्या आयुष्यातील यश-अपयश हे त्याच्या घरावर आणि घरात ठेवलेल्या वस्तूंवर अवलंबून असतं, असं वास्तुशास्त्रात म्हटलं आहे. वास्तुशास्त्रानुसार, घरात काही विशिष्ट वस्तू योग्य ठिकाणी ठेवल्यास सकारात्मक ऊर्जा संचारते आणि घरात सुख-समृद्धी नांदते.

आजकाल घराला सजवण्यासाठी अनेकजण 'लकी बांबू प्लांट' (Lucky Bamboo Plant) चा वापर करतात. हे रोप केवळ घराच्या सौंदर्यात भर घालत नाही, तर घरात सकारात्मक ऊर्जा देखील आणते. पण हे रोप घरात कुठेही ठेवण्याऐवजी वास्तुशास्त्रानुसार योग्य दिशेला ठेवणं गरजेचं आहे. योग्य दिशेला ठेवल्यास घरात सुख-समृद्धी येते आणि जीवनातील अडथळे व समस्या दूर होतात.

चला तर मग, ज्योतिषशास्त्रज्ञ चंपक शर्मा यांच्याकडून जाणून घेऊया की, लकी बांबू प्लांट घराच्या कोणत्या दिशेला ठेवावं आणि त्याचे काय फायदे होतात...

आग्नेय दिशा (Southeast) : ही दिशा धन आणि समृद्धीची मानली जाते. घराच्या आग्नेय दिशेला लकी बांबू प्लांट ठेवल्यास घरात धन-धान्याची वाढ होते आणि आर्थिक संकटं दूर होतात. यासाठी हे रोप पिवळ्या, सोनेरी किंवा हिरव्या रंगाच्या कुंडीत लावा आणि त्याला लाल रंगाची रिबीन बांधा.

पूर्व दिशा (East) : घराची पूर्व दिशा सकारात्मक ऊर्जा आकर्षित करते. या दिशेला लकी बांबू प्लांट ठेवल्याने सकारात्मक ऊर्जेचा प्रवाह सुरळीत राहतो आणि संवाद कौशल्य सुधारते. तसेच, यामुळे एकाग्रता वाढते आणि मनात सकारात्मक विचार येतात.

उत्तर दिशा (North) : वास्तुशास्त्रानुसार, उत्तर दिशा प्रगती आणि करिअरसाठी महत्त्वाची मानली जाते. घराच्या उत्तर दिशेला लकी बांबू प्लांट ठेवल्यास कामात लवकर यश मिळण्यास मदत होते.

ऑफिस टेबलवर (Workplace Table) : जर तुम्ही हे रोप तुमच्या ऑफिसच्या टेबलवर ठेवलं, तर कामाच्या ठिकाणी विशेष यश मिळू शकतं आणि जीवनात समृद्धी येऊ शकते.

ईशान्य दिशा (Northeast) : ही दिशा आरोग्य आणि मानसिक शक्तीसाठी शुभ मानली जाते. या दिशेला पांढऱ्या रंगाच्या कुंडीत पाणी घालून लकी बांबू प्लांट ठेवल्यास सकारात्मक ऊर्जा निर्माण होते. यामुळे घरातील सदस्यांचे मानसिक आणि शारीरिक आरोग्य स्थिर राहते. तसेच, घरातून आजारपण आणि मानसिक ताणतणाव दूर होण्यास मदत होते.

त्यामुळे, तुम्हीही तुमच्या घरात लकी बांबू प्लांट आणण्याचा विचार करत असाल, तर ते योग्य दिशेला ठेवून त्याचे सकारात्मक फायदे नक्की अनुभवा!