IND vs NZ : विराट कोहलीसमोर सेंच्यूरी मारली, तरी संघात निवड नाही, संजूनंतर आणखी एका खेळाडूवर अन्याय

न्यूझीलंड विरूद्ध वनडे मालिकेसाठी भारतीय संघाची घोषणा करण्यात आली आहे. या संघातून अनेकांना डच्चू देण्यात आला आहे.

संघात निवड न झालेल्यापैकी एक खेळाडू असा होता,ज्याने मागच्या वनडे मालिकेत शतक ठोकलं होतं.त्यामुळे त्याची निवड होण्याची शक्यता होती.

पण शतक ठोकून ही या खेळाडूची निवड झाली नाही.त्यामुळे संजू सॅमसनप्रमाणे आता या खेळाडूवर देखील अन्याय झाल्याचे बोलले जात आहे.

हा खेळाडू दुसरा तिसरा कुणी नसून ऋतुराज गायकवाड आहे. गायकवाडला देशांतर्गत क्रिकेटमधील उत्कृष्ट कामगिरीनंतर साऊथ आफ्रिकेविरूद्ध वनडे मालिकेत संधी देण्यात आली होती.

या मालिकेत ऋतुराज गायकवाडला तीन पैकी दोन सामनेच खेळायची संधी मिळाली.यातल्या एका सामन्यात तो कमी धावा करून बाद झाला. तर एका सामन्यात त्याने शतकी खेळी केली होती.

या खेळीनंतर त्याला न्युझीलंड विरूद्ध मालिकेत संधी मिळेल अशी अपेक्षा होती. पण त्याची निवडच करण्यात आली नाही आहे. त्यामुळे संजूप्रमाणे त्याच्यावर अन्याय झाल्याचे बोलले जात आहे.

भारताचा एकदिवसीय संघ :  शुभमन गिल (कर्णधार), रोहित शर्मा, विराट कोहली, के एल राहुल (विकेटकिपर), श्रेयस अय्यर (उप कर्णधार), वॉशिग्टन सुंदर, रविंद्र जडेजा, मोहम्मद सिराज, हर्षित राणा, प्रसिद्ध कृष्णा, कुलदीप यादव, रिषभ पंत (विकेटकिपर) नितीश कुमार रेड्डी, अर्शदिप सिंह, यशस्वी जयस्वाल