वैभव सूर्यवंशीच्या खांद्यावर मोठी जबाबदारी,वर्ल्ड कपआधी नव्या भूमिकेत दिसणार, भारताचा संघ जाहीर

नवीन वर्षात भारताचा अंडर 19 संघ वनडे वर्ल्ड कप खेळणार आहे.या वर्ल्ड कप आधी 14 वर्षीय वैभव सूर्यवंशीच्या खांद्यावर मोठी जबाबदारी देण्यात आली आहे.

[caption id="attachment_1533346" align="alignnone" width="1200"] खरं तर आतापर्यंत तु्म्ही वैभव सूर्यवंशीला एक फलंदाज म्हणून मैदानात पाहिले आहे. पण आता वैभव सूर्यवंशी कर्णधार म्हणून मैदानात उतरणार आहे.</dd> <dd>[/caption]

वनडे वर्ल्ड कपआधी भारत साऊथ आफ्रिका दौऱ्यावर जाणार आहे.या दौऱ्यात टीम इंडिया तीन वनडे सामन्यांची मालिका खेळणार आहे. या मालिकेसाठी वैभव सूर्यवंशीला कर्णधार बनवण्यात आले आहे.

भारताचा नियमित कर्णधार आयुष म्हात्रे आणि उप कर्णधार विहान मल्होत्रा दुखापतग्रस्त असल्याने हे दोन्ही खेळाडू या मालिकेत खेळणार नाही आहेत.त्यामुळे वैभववर ही जबाबदारी देण्यात आली आहे.

विशेष म्हणजे या दौऱ्यानंतर वर्ल्डकपमध्ये आयुष म्हात्रे भारताचा कर्णधार असणार आहे. विहान मल्होत्रावर उप कर्णधाराची जबाबदारी देण्यात आली आहे.

भारतीय युवा संघाचा दक्षिण आफ्रिका दौरा 3 जानेवारीपासून सुरू होईल. तीन एकदिवसीय सामने खेळले जातील. त्यानंतर, 15 जानेवारीपासून झिम्बाब्वे आणि नामिबियामध्ये होणाऱ्या विश्वचषकात टीम इंडिया सहभागी होईल.

दक्षिण आफ्रिका दौऱ्यासाठी भारताचा संघ : वैभव सूर्यवंशी (कर्णधार), आरोन जॉर्ज (उपकर्णधार), वेदांत त्रिवेदी, अभिज्ञान कुंडू (यष्टीरक्षक), हरवंश सिंग (यष्टीरक्षक), आर.एस. अंबरीश, कनिष्क चौहान, खिलन ए. पटेल, मोहम्मद इनान, हेनिल पटेल, डी. दिपेश, किशन कुमार सिंग, उद्धव मोहन, युवराज गोहिल, राहुल कुमार.

अंडर 19 वर्ल्डकप 2026 साठी टीम इंडियाचा संघ : आयुष म्हात्रे (कर्णधार), विहान मल्होत्रा (उप कर्णधार),वैभव सूर्यवंशी, आरोन जॉर्ज, वेदांत त्रिवेदी, अभिग्यान कुंडू (विकेटकिपर), हरवंश सिंह (विकेटकिपर), आर.एस. अम्ब्रीश, कनिश्क चौहान, खिलान पटेल , मोहम्मद इनान, हेनिल पटेल, डी दिपेश, किशन सिंग,उद्धव मोहन