WPL 2026 : मुंबई इंडियन्सची धाकधूक वाढली, गुजरातच्या विजयाने प्लेऑफचं स्वप्न भंगणार?

वुमेन्स प्रिमियर लीगमध्ये आज गुजरात जायंटसने युपी वॉरियर्यचा 45 धावांनी पराभव केला आहे. या पराभवाचा झटका मुंबई इंडियन्सला देखील बसला आहे.

गुजरातने दिलेल्या 153 धावांच्या लक्ष्याचा पाठलाग करताना युपी वॉरयर्स फक्त 108 धावांवर ऑलआऊट झाली होती. त्यामुळे 45 धावांनी गुजरात जायंटसने सामना जिंकला होता.

गुजरातच्या या विजयाने मुंबई इंडियन्सला मोठा झटका बसला आहे. तर तिसऱ्या स्थानावर असणारा युपी वॉरियर्स शेवटच्या स्थानी फेकली गेली आहे.

युपी वॉरियर्सला हरवून गुजरात टायटन्स आता दुसऱ्या स्थानी पोहोचली आहे. गुजरातने आता 6 सामन्यात 3 विजय मिळवले आहेत. त्यामध्ये त्यांचे गुण सहा आहेत तर नेट रनरेट अजूनही मायनसमध्ये आहे.

युपी वॉरियर्स हा सामना हरल्याने थेट शेवटच्या स्थानी गेली आहे. युपीचे आता सहा सामन्यात 2 विजयांसह 4 गुण आहेत. त्यांचा रनरेटी मायनसमध्ये आहे.

या सामन्याच्या निकालाचा मुंबईच्या क्रमवारीवरही परिणाम झाला. मुंबईचा संघ आता तिसऱ्या स्थानी घसरला आहे. कारण मुंबईने सहा सामन्यात 2 सामने जिंकले आहे,ज्यामध्ये त्यांचे 4 गुण आहेत. मुंबईचा रनरेट +0.046 होता.