IND vs NZ Final : पावसामुळे सामना रद्द झाल्यास विजेतेपद कुणाला मिळणार? ICCचा नियम काय सांगतो

चॅम्पियन्स ट्रॉफीतला फायनल सामना येत्या 9 मार्चला रविवारी टीम इंडिया विरूद्ध न्यूझीलंड या दोन संघात रंगणार आहे. या सामन्याची क्रिकेटप्रेमींना उत्सुकता आहे.

चॅम्पियन्स ट्रॉफीत अनेक सामने पावसामुळे रद्द झाले होते. त्यामुळे जर फायनल सामन्यात पाऊस पडल्यास कोणत्या संघाला विजेतेपद मिळणार?या संदर्भात आयसीसीचा नियम काय सांगतो? हे जाणून घेऊयात.

टीम इंडियाने ऑस्ट्रेलियाला हरवले तर न्यूझीलंडने दक्षिण आफ्रिकेला हरवून अंतिम फेरीत प्रवेश केला होता. त्यामुळे या दोन बलाढ्य संघामध्ये आता 9 मार्चला फायनलचा सामना रंगणार आहे.

जर भारत आणि न्यूझीलंड यांच्यातील फायनल सामन्या दरम्यान पाऊस पडला तर राखीव दिवसाची तरतूद करण्यात आली आहे. ज्यामध्ये खेळ पहिल्या दिवशी जिथे थांबला होता तिथून सुरू होईल.

भारत आणि न्यूझीलंड यांच्यातील अंतिम सामन्यात निकाल लागण्यासाठी किमान 25 षटके खेळणे आवश्यक आहे, त्यानंतर डीएलएसच्या आधारे निकाल जाहीर केला जाऊ शकतो.

जर भारत आणि न्यूझीलंडमधील अंतिम सामना बरोबरीत सुटला तर आयसीसीने सुपर ओव्हरचीही तरतूद केली आहे.

champions trophy

जर भारत आणि न्यूझीलंड यांच्यातील अंतिम सामन्यात दोन्ही दिवशी पाऊस पडला आणि काही कारणास्तव निकाल लागला नाही तर भारत आणि न्यूझीलंड या दोन्ही संघांना संयुक्त विजेते घोषित केले जाईल.