Ajinkya Rahane : रहाणेची जागा धोक्यात! KKR चा कॅप्टन कोण होणार? दोन खेळाडूंची अचानक एन्ट्री

केकेआरने आयपीएल 2026 साठी संतुलित टीम बनवल्याचं अनेक तज्ज्ञ आणि चाहते म्हणत आहेत. केकेआरने लिलावाआधीच त्यांचा प्रशिक्षक बदलला. चंद्रकांत पंडित यांची जागा अभिषेक नायरने घेतली.

केकेआरने श्रेयस अय्यरनंतर अजिंक्य रहाणेला कर्णधार केलं. मागच्या आयपीएलमध्ये रहाणेने बॅटिंगमध्ये उत्कृष्ट कामगिरी केली, पण रहाणेच्या कर्णधारपदाबाबत प्रश्न उपस्थित झाले होते.

केकेआरने रिटेन केलेले खेळाडू : रिंकू सिंग, अंगरिक्ष रघुवंशी, रोव्हमन पॉवेल, अजिंक्य रहाणे, मनिष पांडे, सुनिल नारायण, रमणदीप सिंग, अनुकूल रॉय, वरुण चक्रवर्ती, हर्षित राणा, वैभव अरोरा, उमरान मलिक

केकेआरने लिलावामध्ये कॅमरून ग्रीन, फिन ऍलन, मथिशा पथिराणा, तेजस्वी सिंग, कार्तिक त्यागी, प्रशांत सोलंकी, राहुल त्रिपाठी, टीम सायफर्ट, मुस्तफिजुर रहमान, सार्थक रंजन, दक्ष कामरा, रचिन रवींद्र, आकाश दीप

केकेआर आयपीएल 2026 मध्ये रहाणेला पुन्हा कर्णधार करणार का नव्या खेळाडूकडे कर्णधारपदाची धुरा सोपावणार? याबाबत उत्सुकता निर्माण झाली आहे.

रहाणेकडून कॅप्टन्सी काढून घेतली तर केकेआरकडे कॅमरून ग्रीन आणि रिंकू सिंग हे कॅप्टन्सीचे दोन पर्याय उपलब्ध आहेत. मागच्या मोसमात केकेआरने रहाणेला 2 कोटींना विकत घेतलं आणि मग त्याला कर्णधार केलं, पण खराब कामगिरीनंतर केकेआर कॅप्टन बदलणार का? याबाबत मात्र टीमने सस्पेन्स कायम ठेवला आहे.