Vaibhav Suryavanshi : 14 वर्षाच्या आयपीएल स्टार वैभव सूर्यवंशीची मोदींनी घेतली भेट, इंग्लंड दौऱ्याआधी कौतुकाची थाप!

पंतप्रधान नरेंद्र मोदींनी त्यांच्या सोशल मीडिया अकाउंटवरून वैभवला भेटल्याची माहिती दिली. पंतप्रधानांनी वैभव आणि त्यांच्या कुटुंबियांसोबतच्या या भेटीचे काही फोटो ट्विटरवर शेअर केले आहेत.

आयपीएल सेन्सेशन वैभव सूर्यवंशीचे आई-वडिल देखील यावेळी उपस्थित होते. तसेच यावेळी वैभवने नम्रतेने मोदींच्या पाया देखील पडला. त्याचे फोटो देखील सोशल मीडियावर व्हायरल होत आहेत.

पाटणा विमानतळावर तरुण क्रिकेटपटू वैभव सूर्यवंशी आणि त्याच्या कुटुंबाला भेटलो. त्याच्या क्रिकेट कौशल्याचे देशभर कौतुक होत आहे. त्याच्या भविष्यातील प्रयत्नांसाठी माझ्या शुभेच्छा, असं नरेंद्र मोदी यांनी ट्विट करत म्हटलं आहे.

वैभव सुर्यवंशी हा आयपीएलनंतर आता इंग्लंड दौऱ्यावर जाणार आहे. वैभव सुर्यवंशी याला अंडर - 19 संघात सामील करण्यात आलं आहे. त्यामुळे आता तो टीम इंडियाच्या जर्सीमध्ये खेळताना दिसेल.

बिहारमध्ये या वर्षअखेरीस विधानसभा निवडणुका होणार आहेत. आगामी बिहार इलेक्शनच्या पार्श्वभूमीवर मोदींनी 14 वर्षाच्या पोराचा वापर केलाय, अशी टीका आता विरोधकांकडून होताना दिसत आहे.