IND vs ENG : सहाव्यांदा वर्ल्ड कप जिंकून दिला, आता 'हे' 5 ज्यूनिअर खेळाडू टीम इंडियात एंन्ट्री करणार

झिम्बाबेच्या हरारे स्पोर्टस क्लबच्या मैदानात पार पडलेल्या सामन्यात भारताने इंग्लंडचा 100 धावांनी पराभव केला आहे. या विजयासह भारताने सहाव्यांदा अंडर 19 वर्ल्ड कपर नाव कोरले आहे.

खरं तर भारताने 411 धावांचे लक्ष्य ठेवले होते. या लक्ष्याचा पाठलाग करताना इंग्लंडचा डाव 300 धावांवर ऑलआऊट झाला होता.त्यामुळे टीम इंडियाने हा सामना 100 धावांनी जिंकला होता. या विजयासह भारताने सहाव्यांदा वर्ल्ड कपची ट्रॉफी उंचावण्याचा मान मिळवला आहे.

या वर्ल्ड कप विजयानंतर टीम इंडियाला नवीन स्टार खेळाडू मिळाले आहेत. हे खेळाडू आता टीम इंडियाच्या एंन्ट्री करण्याची शक्यता आहे.त्यामुळे हे खेळाडू कोण आहे? हे जाणून घेऊयात.

पहिलं नाव तर सगळ्यांनाच माहिती आहे. क्रिकेट वर्तुळात त्याने धुमाकुळ घालून ठेवला आहे. तसेच कुठलाच असा रेकॉर्ड उरला नाही आहे जो त्याने मोडला आहे. हा खेळाडू दुसरा तिसरा कुणी नसून वैभव सूर्यवंशी आहे. वैभव सूर्यवंशीने या वर्ल्डकपमध्ये 439 धावा केल्या आहेत आणि सर्वाधिक धावा करण्यात तो दुसऱ्या स्थानी आहे. सध्याची त्याची कामगिरी पाहता त्याला कोणत्याही क्षणी भारताच्या सिनिअर संघात घेतले जाण्याची शक्यता आहे.

या टीममधला दुसरा खेळाडू म्हणजे आयुश म्हात्रे. ज्याप्रकारे भारताने आयुश म्हात्रेच्या नेतृत्वात हा वर्ल्ड कप जिंकला आहे.ते पाहता आयुशने खूप चांगली कॅप्टन्सी केली आहे. तसेच त्याने या वर्ल्डकपमध्ये फलंदाजी आणि गोलंदाजीत चांगली कामगिरी करून दाखवली होती.त्यामुळे सिनिअर संघात एन्ट्री करण्यासाठी तो चांगला दावेदार आहे.

अंडर 19 टीम इंडियाचा सलामीवीर आणि मिस्टर डिपेंडेबल म्हणून ओळखल्या जाणाऱ्या आरोन जॉर्जने अफगाणिस्तान विरूद्ध 110 धावांची शतकीय खेळी करून भारताला सेमी फायनलमध्ये प्रवेश करून दिला होता. त्यामुळे हा खेळाडू देखील टीम इंडियाच्या सिनिअर संघात जागा मिळवू शकतो.

टीम इंडियाचा विकेटकिपर आणि संकटमोचक म्हणायला हरकत नाही आहे.कारण ज्या वेळेला वैभव सूर्यवंशी आणि आयुश म्हात्रेची बॅट चालत नाही, त्या त्या वेळेला अभिग्यान कुंडूने मैदानात येऊन भारताला अनेक वेळा सामना जिंकून दिला आहे. अभिग्यान कुंडू देखील सिनिअर टीम इंडियात जागा मिळवण्यासाठी प्रमुख दावेदार आहे.

टीम इंडियाचा गोलंदाज आर अम्ब्ररीशने देखील वर्ल्ड कपमध्ये खूप चांगली गोलंदाजी केली होती.त्यामुळे तो देखील भारताच्या सिनिअर संघात स्थान मिळवण्यास प्रमुख दावेदार मानला जात आहे.