Vehicle Policy : मोकाट सांड कारला धडकला तर विमा कंपनी भरपाई देते का? कोणत्या प्रकणात मिळतो क्लेम?

अशा परिस्थिती पहिला प्रश्न मनात येतो, तो म्हणजे जर मोकाट जनावरांनी वाहनाला टक्कर दिली आणि गाडीचं नुकसान झालं तर विमा कंपनीकडून भरपाई मिळते का? वास्तविक, कारचे कोणतेही नुकसान भरून काढण्यासाठी विमा घेणे उचित आहे. पण अशा प्राण्यांनी टक्कर मारल्यास विमा कंपनी पैसे देते का?

होय, जर तुमची कार एखाद्या प्राण्याला धडकली तर विमा कंपनी नुकसान भरपाई देईल. प्राण्यांमुळे होणारे नुकसान सर्वसमावेशक विमा पॉलिसी अंतर्गत कव्हर केले जाते. थर्ड पार्टी इन्शुरन्समध्ये तुमच्या कारचे कोणत्याही प्रकारचे नुकसान कव्हर केले जात नाही.

असे नुकसान टाळायचे असेल, तरच सर्वसमावेशक पॉलिसी विकत घेतली पाहिजे. ही पॉलिसी नैसर्गिक आपत्ती, चोरी किंवा आगीमुळे कारला झालेल्या नुकसानीची भरपाई देते.

सर्वसमावेशक पॉलिसीमध्ये उंदीर, मांजर आणि कुत्रे यांसारख्या लहान प्राण्यांमुळे होणारे नुकसान देखील समाविष्ट आहे. या पॉलिसीमध्ये जवळपास सर्व प्रकारचे नुकसान कव्हर केले जाते. तुमच्या कारला थर्ड पार्टी इन्शुरन्स पॉलिसीमध्ये अशा प्रकारचे नुकसान संरक्षण मिळत नाही, त्यामुळे कारसाठी सर्वसमावेशक पॉलिसी घेणे फायदेशीर ठरू शकते.

कारसाठी विमा पॉलिसी घेताना, पॉलिसीमध्ये काय समाविष्ट केले आहे हे समजून घ्या. तुम्ही अनेक कंपन्यांच्या पॉलिसीची तुलना करून निवडू शकता. वाहन विमा घेताना कंपनीच्या क्लेम सेटलमेंट रेशोवरही लक्ष ठेवा. सर्व बाबतीत समाधानी झाल्यानंतरच अंतिम निर्णय घ्या.