पोस्ट ऑफिसच्या नावावर मेसेज आलाय? एका क्लिकमध्ये रिकामं होऊ शकतं अकाउंट, व्हा अलर्ट

डिजिटल काळात सरकार सायबर फसवणूक करणाऱ्यांवर लगाम लावण्यासाठी सातत्याने कठोर नियम आणत आहेत. मात्र तरीही फसवणूक करणारे शांत बसत नाहीयेत. ते नवनवीन पद्धती शोधून लोकांना आपल्या जाळ्यात ओढत आहेत. काही दिवसांपासून पोस्ट ऑफिसच्या नावाने पाठवल्या जाणाऱ्या बनावट मेसेजने अनेक लोकांची चिंता वाढवली आहे. या मेसेजच्या माध्यमातून लोकांना त्यांच्या पत्त्यांची माहिती अपडेट करण्याच्या बहाण्याने जाळ्यात ओढले जातेय.

इंडिया पोस्टचे असल्याचा दावा करणारे फसवणूक करणारे लोक मेसेज पाठवतात की तुमचे पार्सल गोदामात पोहोचले आहे परंतु पत्ता अपूर्ण असल्याने डिलिव्हरी होऊ शकली नाही.

सोबतच एक लिंक दिली जाते आणि म्हटलं जातं की, 48 तासांच्या आत त्यावर क्लिक करुन पत्ता अपडेट करा अन्यथा पार्सल परत पाठवलं जाईल.

येथूनच फसवणुकीची सुरुवात होते. एखादी व्यक्ती त्या लिंकवर क्लिक करताच त्याची पर्सनल माहिती चोरली जाते आणि बँक अकाउंटमधून पैसे गायब केले जातात.

सरकारची फॅक्ट-चेक एजेंसी PIB Fact Check ने स्पष्ट केले आहे की, पोस्ट ऑफिस अशा प्रकारच्या लिंकचे मेसेज पाठवत नाही. म्हणजेच असे सर्व प्रकारचे मेसेज पूर्णपणे बनावट आहे आणि याचा हेतू फक्त लोकांना फसवणे आहे. यामुळे कोणत्याच अनोळखी लिंकवर क्लिक करण्यापूर्वी शंभरवेळा विचार करा.

टेलिकॉम रेग्युलेटर Telecom Regulatory Authority of India ने बनावट मेसेजवर आळा घालण्यासाठी नवे नियम लागू केले आहेत. आता असली आणि व्हेरिफायड सेंटरवरुन येणाऱ्या मेसेजमध्ये खास ओळख चिन्ह असतात. सरकारी विभागांच्या मेसेजमध्ये वेगला संकेत असतो तर बँक किंवा सर्व्हिसशी संबंधित मेसेजची ओळखची फॉर्मेटने ठरवली जाऊ शकते. एखाद्या मेसेजमध्ये अशी ओळख दिसली नाही तर त्याला संशयास्पद मानले जाऊ शकते.

स्वतःचे रक्षण करण्यासाठी, कोणत्याही संशयास्पद SMS, ईमेल किंवा व्हॉट्सअॅप लिंकवर क्लिक न करणे महत्वाचे आहे. अज्ञात नंबरवरून येणाऱ्या कॉलकडे दुर्लक्ष करा आणि अशा प्रकरणांची अधिकृत प्लॅटफॉर्मवर तक्रार करा.