Beed: आधी 50 हजारांवर बोली नंतर 20 वर सेटलमेंट, मुंडे असा सापडला ACB च्या जाळ्यात, बीडकरांनी फटाके फोडले

ऐपतीचे प्रमाणपत्र' देण्यासाठी बीडच्या परळीचे तहसीलदार व्यंकटेश मुंडे यांनी पन्नास हजार रुपयाची लाचेची मागणी केली. तडजोड करत वीस हजार रुपये देण्याचं ठरलं होतं. तक्रारदाराने याबद्दल एसीबीकडे तक्रार केली. त्यानंतर एसीबीने सापळा रचला. याची भनक लागतात लाचेची रक्कम स्वीकारली नाहीत मात्र लाच मागितल्याचं निष्पन्न झाल्यानंतर लाच लुचपत प्रतिबंधात्मक विभागाच्या अधिकाऱ्यांनी त्यांना ताब्यात घेतलं. आता या प्रकरणी मुंडेंविरोधात गुन्हा दाखल करण्याची प्रक्रिया सुरू आहे. यामुळे महसूल विभागात या घटनेमुळे प्रचंड खळबळ उडाली आहे.

लाचेची मागणी झाली असल्याचा पुरावा मिळाल्यानंतर, एसीबीच्या पथकाने सापळा रचून कारवाई केली. लाचेची मागणी करणे हा देखील भ्रष्टाचार प्रतिबंधक कायद्यानुसार गुन्हा असल्याने, आज त्यांना ताब्यात घेण्यात आलं आहे. चालू वर्षातील ही जिल्ह्यातील सर्वात मोठी कारवाई मानली जात आहे.

कनेरवाडी येथील हनुमंत फड यांनी मी गेल्या ३ वर्षांपासून माझ्या शेताच्या रस्त्यासाठी प्रयत्न करत आहे, परंतु तो झाला नव्हता, असं अधिकारी कामच करत नाहीत. परळीत अनेक ठिकाणी असाच प्रकार सुरू आहे.. पुढारी सांगतील त्याचेच काम होत आहे. हा सगळा मनमानी कारभार थांबला पाहिजे, अशी देखील अपेक्षा फड यांनी व्यक्त केली आहे.