Raj Kundra Bail: बिटकॉइन स्कॅम प्रकरणात ट्विस्ट, मोठी घडामोड; राज कुंद्रांवरील कारवाईला ब्रेक, काय आहे संपूर्ण प्रकरण?

गेल्या अनेक दिवसांपासून बिटकॉईन स्कॅम प्रकरणी राज कुंद्रा कायदेशीर अडचणीमध्ये होता. परंतु न्यायालयाने दिलेल्या निकालानंतर अभिनेता वादाच्या भोवऱ्यातून बाहेर आला आहे. मुंबईच्या विशेष पीएमएलए कोर्टाने दिलेल्या निकालामुळे राज कुंद्राला मोठा दिलासा मिळाला आहे. अंमलबजावणी संचालनालय (ईडी) कडून चौकशी सुरू असलेल्या या प्रकरणात त्याच्यावर 150 कोटी रुपयांचा गैरव्यवहार केल्याचा आरोप होता.

एएनआय वृत्तसंस्थेने दिलेल्या वृत्तानुसार, बिटकॉइन घोटाळा प्रकरणात शुक्रवारी मुंबईतील विशेष न्यायालयाने राज कुंद्राला जामीन मंजूर केला आहे. या प्रकरणात यापूर्वी राज कुंद्रावर कारवाईचा विचार करण्यात आला होता, परंतु आता अभिनेत्याला मोठी सवलत मिळाली आहे. न्यायालयीन सुनावणीदरम्यान राज कुंद्राने जामीन अर्ज दाखल केला होता. राजची बाजू ऐकल्यानंतर युक्तिवाद ऐकल्यानंतर त्यांना जामीन मंजूर करण्यात आला. अंमलबजावणी संचालनालयाने (ईडी) राज कुंद्रावर या घोटाळ्यात फसवणूक केल्याचा आरोप केला होता. प्रकरणाची सखोल चौकशी केल्यानंतर न्यायालयाने अखेर राज कुंद्राला दिलासा देण्यात आला आहे. तथापि, न्यायालयाने असेही म्हटले आहे की, प्रकरणाच्या प्राथमिक तपासणीत मिळालेल्या पुराव्यांनुसार असे आढळले आहे की, राज कुंद्रा विरोधात कोणताही गुन्हा समोर आला नाही. या प्रकरणात आणखी कोण सामील आहे का? याचाही सध्या तपास सुरू आहे.