विमानातील सीटवर असतं 'सीक्रेट बटण', दाबल्यावर सोपा होतो प्रवास, अनेक प्रवाशांना माहितीच नाही

विमान प्रवासादरम्यान सीटच्या आरामदायी सुविधा प्रवाशांचा प्रवास आनंददायी बनवतात. अलीकडेच एका केबिन क्रू सदस्याने विमानाच्या सीटवरील एक खास गुप्त बटण असतं.

फ्लाय अर्ना - आर्मेनियाची राष्ट्रीय विमान कंपनी आणि एक लोकप्रिय कमी किमतीची विमान कंपनी - ने त्यांच्या टिकटॉक अकाउंटवर एक व्हिडिओ शेअर केला आहे.

ज्यामध्ये त्यांच्या केबिन क्रूमधील एक सदस्य हे बटण आणि काही इतर उपयुक्त वैशिष्ट्ये दाखवतो. हे लहान पण उपयुक्त बटण सहसा आयल सीटच्या आर्मरेस्टच्या खाली किंवा बाजूला असते.

व्हिडिओमध्ये असे दिसून येते की जेव्हा तुम्ही आयल सीटवर असता तेव्हा कधीकधी तुमच्या समोर किंवा शेजारी बसलेल्या लोकांमुळे उठणं किंवा हालचाल करणं कठीण होतं, परंतु हे बटण दाबल्याने आर्मरेस्ट वर येतो, ज्यामुळे सीटच्या कडेला जाण्याचा मार्ग मोकळा होतो आणि तुम्ही किंवा तुमच्या शेजारी बसलेले लोक तुमच्या सीटवरून सहजपणे बाहेर पडू शकता.

हे अशा प्रवाशांसाठी उपयुक्त आहे ज्यांना वारंवार त्यांच्या सीटवरून उठून विमानात चालायचं असतं किंवा जेव्हा तुम्हाला दुसऱ्या प्रवाशाला जाऊ द्यायचं असतं.