Budget 2025 Nirmala sitharaman saree : साधी नाही अर्थमंत्री निर्मला सीतारमण यांची साडी! बजेटशी खास कनेक्शन, काय सांगतो रंग?

अर्थमंत्री निर्मला सीतारमण सातवा अर्थसंकल्प सादर करत आहेत. जेव्हा जेव्हा त्या बजेट सादर करतात तेव्हा तेव्हा त्यांच्या साडीचीही चर्चा होते. प्रत्येक बजेटमध्ये त्यांच्या साडीचे रंग बदलतात. याचा अर्थही आहे. असं म्हणतात की त्यांच्या साडीचा नेहमीच बजेटशी काहीतरी संबंध नक्कीच असतो.

नीर्मला सीतारमण यांनी फायनान्स मिनिस्टर झाल्यानंतर 2019 साली पहिल्याच बजेटला गुलाबी रंगाची आणि सोनेरी बॉर्डरची साडी नेसली होती. या साडीला मंगलागिरी साडी असं म्हणतात. गुलाबी रंग स्थिरता आणि गंभीरता दर्शवतं. स्थिरता जी विकासदरात दिसली. 2019 मध्ये 3.87 टक्के होती 2023 मध्ये ती वाढून 7.3 टक्क्यांवर पोहोचली.

"2020 च्या दुसऱ्या बजेटला निर्मला सीतारमण यांनी नेसलेली पिवळ्या-सोनेरी रंगाची सिल्क साडी देखील खूपच चर्चेत होती. या साडीला आकाशी रंगाची हलकी बॉर्डर आहे. भारतीय परंपरा आणि शास्त्रांमध्ये पिवळा रंग शुभ मानला जातो. याशिवाय रंगांची खासियत बघितली तर पिवळा रंग समृद्धी आणि आनंदाचे प्रतीक आहे. 2020 वर्ष कोरोना महासाथीचं. अशा परिस्थितीत, पिवळ्या साडीत देशात लाल खाती प्रत्येकासाठी समृद्धी आणू शकते, असा विश्वास होता. नवीन उर्जा, चांगलं भविष्य याचा विश्वास त्यांनी दिला.

2021 च्या बजेटला त्या लाल रंगाची पोचमपल्ली साडी नेसल्या होत्या. असे मानले जाते की अर्थमंत्री सीतारामन अनेकदा महत्त्वाच्या दिवशी लाल साडी नेसतात. भारतीय परंपरेत लाल रंग हा शक्ती, ऊर्जा आणि प्रेमाचा रंग मानला जातो. हा अधिकाराचा रंग देखील आहे आणि त्वरित आकर्षित करणारा देखील आहे. हा रंग नेहमीच सामर्थ्य आणि आत्मविश्वासाशी संबंधित आहे.

2022मध्ये त्यांची साडी पारंपारिक दक्षिण भारतीय शैलीत मरून आणि केशरी रंगाची होती. ज्यामध्ये मरून रंगाची बॉर्डर होती आणि मधला भाग नारंगी होता. या साडीला चंदेरी रंगाची बॉर्डर होती. ही साडी ओडीसाची असल्याचं सांगितलं जातं. या साडीला बोमकाई किंवा सोनपुरी साडी असं देखील म्हणतात. ही साडी त्यांच्या आत्मविश्वास आणि व्यक्तिमत्वाला वेगळा रंग देत होती. केशरी रंग लाल आणि पिवळ्या रंगाचे मिश्रण आहे. लाल रंग आपल्याला दृढनिश्चय देतो. पिवळ्या रंगामुळे सात्विक प्रवृत्तीचा विकास होतो. जिथे भगवा रंग हा भाजपचा रंग मानला जातो, तिथे तो हिंदुत्वाशी निगडित पवित्र रंग मानला जातो. मरून रंगाचा अर्थ स्थिरता आणि शक्ती. याचवर्षी आर्थिकरित्या आपला देश अधिक मजबूत झाला आणि जगातील सगळ्यात मोठी पाचवी अर्थव्यवस्था बनला.

गेल्या वर्षी 2023 साली त्यांनी लाल आणि काळ्या रंगाची साडी नेसली होती. हा रंग शौर्य आणि ताकदीचं प्रतीक आहे. हा रंग शक्ती, सामर्थ्य आणि संकल्पाचा रंग. या वर्षाच्या शेवटी अर्थमंत्री जगातील सगळ्यात शक्तिशाली महिलांच्या यादीत समाविष्ट झाल्या. त्या 32 व्या क्रमांकावर होत्या.

आता 2024 च्या अर्थसंकल्पात त्या निळ्या आणि पांढऱ्या रंगाच्या साडीत दिसल्या. निळा रंग हा शांतता, स्थिरता, प्रेरणेचं प्रतीक आहे.

यावर्षी 2025 सालचं बजेट हे अर्थमंत्री निर्मला सीतारमण यांचं सातवं बजेट. यासाठी त्यांनी आपला लूक अगदी साधा, सिम्पल ठेवला आहे. यंदाच्या बजेटसाठी त्या पांढऱ्या रंगाची गोल्डन बॉर्डर असलेल्या साडी नेसल्या आहेत.

पांढरा रंग शुद्धता, स्पष्टता आणि आध्यात्मिक उर्जेचे प्रतीक आहे. या रंगाची साडी नेसून अर्थमंत्र्यांनी त्या सगळंकाही स्पष्टपणे मांडण्यात विश्वास ठेवतात असा विश्वास देशाला दिला आहे.