Taj Mahal Facts : कोणताच पायलट ताजमहालवरून प्लेन नेण्याची हिंमत करत नाही, असं इथं काय होतं?

ताजमहाल हे जगातील 7 आश्चर्यांपैकी एक आहे. संगमरवरी ही इमारत प्रेमाची प्रतीक मानली जातं. शाहजहानने पत्नी मुमताजच्या स्मरणार्थ बांधलं.

ताजमहालबाबत अशा अनेक गोष्टी आहेत जी कित्येकांना माहिती नाहीत. त्यापैकीच एक म्हणजे ताजमहालवरून विमान उडत नाही.

ताजमहालवरून विमान उडत नाही हे वाचून कित्येकांना आश्चर्य वाटलं असेल. आता यामागील कारण जाणून घेण्याची उत्सुकताही असेल.

तर ताजमहाल नो फ्लाइंग झोन आहे. ताजमहाल आणि त्याच्या आजूबाजूचं जवळपास 7 किलोमीटरचा परिसरात विमानं उडवण्यास बंदी आहे.

भारतातील प्रसिद्ध ताजमहालला 1983 मध्ये युनेस्कोने जागतिक वारसा घोषित केलं होतं. ताजमहल पाहण्यासाठी देशविदेशातील कित्येक पर्यटक येतात.

ही इमारतही नो-फ्लाय झोन आहे. खरं तर इथं येणाऱ्या पर्यटकांच्या सुरक्षिततेचा विचार करून, 2006 मध्ये याला नो-फ्लाय झोन घोषित करण्यात आलं होतं.

ताजमहाल परिसरात असलेली गर्दी आणि होणाऱ्या दुर्घटना लक्षात घेता सरकारने हा निर्णय घेतला आहे. याशिवाय धूर आणि कंपनामुळे ताजमहालच्या संगमरवरांवर होणारा परिणामही आणखी एक कारण आहे.