Loco pilot: लोको पायलटचा पगार किती असतो? आकडा वाचून व्हाल चकित!

रोज ट्रेनने भरपूर लोक प्रवास करतात. तुम्हीही कधी ट्रेनमध्ये बसला असालच. मात्र तुम्हाला कधी प्रश्न पडलाय का, ट्रेन कशी आणि कोण चालवतं?

ट्रेन चालवणाऱ्यांना लोको पायलट म्हणतात. हजारो लोकांची ट्रेन रोज लोको पायलट चालवत असतात. लोको पायलच बनण्यासाठी काय करावं लागतं आणि त्यांचा पगार किती असतो याविषयी जाणून घेऊया.

लोको पायलट भारतीय रेल्वेतील वरिष्ठ पद आहे. भारतीय रेल्वे सहाय्यक लोको पायलटची भरती करण्यासाठी प्रवेश परीक्षा आयोजित करते, ज्यांना नंतर लोको पायलट पदांवर किंवा इतर व्यवस्थापन पदांवर घेतलं जातं.

लोको पायलटच्या कामामध्ये लोकोमोटिव्ह इंजिनची योग्य कार्य क्षमता राखणे, ट्रेनमध्ये दुरुस्ती आणि देखभालीची कामे करणे, सिग्नल बदलांची तपासणी करणे, इतर रेल्वे अधिकाऱ्यांशी संवाद साधणे यासारख्या अनेक महत्त्वाच्या गोष्टी कराव्या लागतात. लोको पायलटने आपली कर्तव्ये हुशारीने पार पाडणे अत्यंत महत्त्वाचे आहे, कारण त्यांच्या हाती हजारो प्रवाशांची सुरक्षा अवलंबून असते.

रेल्वे भरती मंडळात असिस्टंट लोको पायलटचा पगार खूप चांगला आहे. RRB ALP परीक्षा आयोजित करणार्‍या रेल्वे भरती मंडळाद्वारे पगाराचा तपशील जाहीर केला जातो. RRB ALP वेतन 7 व्या वेतन आयोगाच्या तरतुदींनुसार निर्धारित केले जाते. लोको पायलटचा पगार रु. 19,900 ते रु. 35,000 पर्यंत असतो आणि त्यात विविध भत्ते आणि फायदे देखील असतात.

निवड होण्यासाठी, उमेदवारांना सिलेक्शन प्रक्रियेतून जावं लागेल. फर्स्ट लेवल CBT, सेकेंड लेवल CBT, सीबीएटी/कंप्यूटर आधारित एप्टीट्यूड टेस्ट, डॉक्यूमेंट वेरिफिकेशन.

लोको पायलटसाठी शिफ्ट 8 तासांची असते. कोणतेही स्टेशन थोडे लवकर किंवा उशिरा आले तर पुढचा पायलट त्याचा ताबा घेतो. लोको पायलट यांनी आठवड्यातून किमान 36 तास काम केले पाहिजे. त्यापेक्षा जास्त काम केल्यास तुम्हाला अतिरिक्त पगार मिळेल ज्याचा ओव्हरटाईम लावला जातो.