Baba Vanga : कोण आहे बाबा वेंगा? त्यांच्या भविष्यवाणी विषयी का होते एवढी चर्चा?

बाबा वेंगा बुल्गारिया एक भविष्यवक्ता होते. त्यांचे मूळ नाव वंगेलीया पांडेवा दिमित्रोव असे होते. त्यांचा जन्म 1911 मध्ये झाला होता, परंतु वयाच्या बाराव्या वर्षी त्यांच्या डोळ्यात वादळामुळे माती गेल्याने त्यांना कायमचे आंधळेपण आले. परंतु असं म्हणतात त्यांची दृष्टी गेल्यापासून त्यांना भविष्य दिसायला लागले होते.

बाबा वेंगाला रुस आणि युरोपात एक संत म्हणून सन्मानित करण्यात येत होते. 1996 मध्ये वयाच्या 85 व्या वर्षी त्यांचा मृत्यू झाला. असं म्हणतात की त्यांनी 5079 वर्षांपर्यंतची भविष्यवाणी पुस्तकात लिहून ठेवली आहे. बल्गेरियाच्या बाबा वेंगा यांचा हात भविष्य सांगण्यात कोणही पकडू शकत नाही. त्यांचा आता मृत्यू झाला असला तरी त्यांनी त्यांच्या पुस्तकात कोणत्या साली देशावर कोणतं संकट येणार हे आधीच लिहून ठेवलं आहे. अनेकवेळा ते खरं देखील ठरलं आहे, ज्यामुळे बाबा वेंगा यांच्या भविष्यवाणीची नेहमीच चर्चा होते.

अमेरिकेतील 9/11 च्या दहशतवादी हल्ल्याचा अंदाजही त्यांनी अचूक वर्तवला होता, असे सांगितले जाते. तसेच अमेरिकेचे माजी राष्ट्राध्यक्ष बाराक ओबामा यांच्याविषयी केलेली भविष्यवाणी देखील खरी ठरली होती.

बाबा वेंगा यांनी 2024 या नववर्षा विषयी देखील भविष्यवाणी केलेली आहे. द मिररच्या वृत्तानुसार, 2024 मध्ये बाबा वाएन्गा यांचे भाकीत रशियाचे राष्ट्राध्यक्ष पुतिन यांच्यावर हत्येचा प्रयत्न करण्याबाबत बोलते. याआधीही क्रेमलिनवर युक्रेनने हल्ला केला आहे. अशा स्थितीत बाबा वेंगाच्या अंदाजावर विश्वास ठेवता येईल. ऑक्टोबरमध्ये हे उघड झाले की रशियाची गुप्त सेवा स्वतःच्या श्रेणीतील कथित कटाची चौकशी करत आहे. मात्र, धमक्यांच्या दरम्यान पुतिन यांनी पुढच्या वर्षी पुन्हा निवडणूक लढवण्याची घोषणा केली आहे.

बाबा वेंगा यांनी धोकादायक शस्त्रास्त्रांशी संबंधित अंदाज वर्तवले आहेत. त्यांच्या एका अंदाजानुसार पुढच्या वर्षी एखादा मोठा देश अणुचाचणी करू शकतो. याशिवाय युरोपमध्ये दहशतवादी कारवाया वाढल्याबद्दल त्यांनी चिंता व्यक्त केली आहे. युरोपमध्ये इस्लामिक कट्टरतावादी सातत्याने वाढत आहेत. ब्रिटनच्या सुरक्षा यंत्रणांच्या मते, इस्रायल-हमास युद्धानंतर दहशतवादी हल्ल्यांचा धोका वाढला आहे.

बाबा वेंगा यांच्या मते, 2024 मध्ये मोठे आर्थिक संकटही दिसणार आहे. याचा परिणाम जागतिक अर्थव्यवस्थेवर होणार आहे. कर्जाची वाढती पातळी, भू-राजकीय तणाव आणि आर्थिक शक्ती पश्चिमेकडून पूर्वेकडे स्थलांतरित झाल्यामुळे हे घडेल असा दावा त्यांनी केला. बाबा वेंगा यांच्या मते, 2024 मध्ये वैद्यकीय क्षेत्रात अनेक महत्त्वाचे शोध लागतील. अल्झायमर आणि कॅन्सर यांसारख्या आजारांवर औषधे विकसित केली जाऊ शकतात.