Kay Sangte Dnyanada : तब्बल 10 वर्षानंतर जम्मू काश्मीरमध्ये विधानसभेच्या निवडणुका; कोण मारणार बाजी?

यातल्या ४३ जागा जम्मुतल्या आहेत तर ४७ काश्मीर खोऱ्यातल्या... पाकव्याप्त काश्मीर खोऱ्यातल्या २४ जागा राखीव ठेवल्या गेल्यात. जम्मु काश्मीरातल्या प्रत्येक निवडणूकीतली एक विशेष बाब म्हणजे पाकव्याप्त काश्मीरमधल्या २४ जागांवर निवडणूक जाहीर केली जाते पण त्याची प्रक्रीया पार पडत नाही. त्यामुळे आत्ताही जम्मु काश्मीरातल्या ९० तर पाकव्याप्त काश्मीरमधल्या २४ अशी तांत्रिकदृष्ट्या ११४ जागांवर ही निवडणूक पार पडणार आहे.

लोकसभा निवडणूकांचा आढावा घेतला तर वर्षांनुवर्ष काश्मीरच्या राजकारणावर पकड ठेवणाऱ्या परिवारवादी पक्षांना आणि नेत्यांना जनतेनं नाकारलेलं दिसतं. ओमर अब्दुल्ला आणि मेहबुबा मुफ्ती यांचा पराभवातून त्याचेच संकेत मिळाल्याचा अंदाज व्यक्त होतो... यंदाची निवडणूकही स्थानिक विरुद्ध स्थानिक पक्ष अशी होण्याचं सध्याचं चित्र आहे. त्यामुळे प्रखर राष्ट्रवाद आणि स्थानिक अस्मिता हे प्रचारातले प्रमुख मुद्दे असु शकतात... जम्मु काश्मीरातली निवडणूक बुलेट विरुद्ध बॅलेट अशी मानली जाते...बंदुकीच्या गोळीला, दहशतीला न जुमानता लोकसभेच्या निवडणूकीत काश्मिरच्या जनतेनं आपली हिंमत दाखवून दिलीये. आत्ताही विधानसभा निवडणूकीत काश्मीरी जनतेकडून अशाच खंबीर बाण्याची अपेक्षा व्यक्त होतेय