1000 विद्यार्थ्यांनी बनवली कागदाच्या चांद्रयान 3 ची प्रतिकृती, पुण्यातील विक्रमाची लिम्का बुक ऑफ वर्ल्ड रेकॉर्डमध्ये नोंद, VIDEO

पुणे : चंद्र व स्पेस याविषयी सर्वांना नेहमी आकर्षण असते. मागच्या वर्षी 23 ऑगस्ट हा दिवस राष्ट्रीय अवकाश दिन म्हणून साजरा करण्याचे जाहीर करण्यात आले. आज या राष्ट्रीय अवकाश दिन दिनाचे निमित्त साधत लोणावळ्यातील अॅड. बापूसाहेब भोंडे हायस्कूल व कल्पना चावला स्पेस अकादमी यांच्या वतीने शाळेमध्ये 1000 विद्यार्थ्यांनी एकाच वेळेस कागदाच्या चांद्रयान तीनची प्रतिकृती बनवून नवा विक्रम केला.

पुणे जिल्ह्यातील मावळ तालुक्यातील अॅड. बापूसाहेब भोंडे हायस्कूल व कल्पना चावला स्पेस अकादमी यांच्या वतीने अवकाश दिनाचं औचित्य साधत तब्बल 1000 चांद्रयान 3 च्या कागदी प्रतिकृती विद्यार्थ्यांनी बनवत हा अनोखा उपक्रम राबवला आहे.