वय फक्त आकडा, 62 वर्षांच्या तरुणाचा आकुर्डी ते तिरुपती1136 किमी सायकल प्रवास, दिला खास संदेश

पुणे : पुण्यातील पिंपरी-चिंचवड परिसरात राहणारे 62 वर्षीय अनिल खेडकर यांनी नुकताच आकुर्डी ते तिरुपती असा सायकल प्रवास यशस्वीरीत्या पूर्ण केला आहे. तब्बल 1,136 किलोमीटरचा प्रवास करत त्यांनी सायकल चालवा आणि तंदुरुस्त राहा असा संदेश तरुणांना दिला आहे. गेल्या अनेक वर्षांपासून अनिल खेडकर सायकल प्रवासाच्या माध्यमातून विविध ठिकाणी भेटी देत आहेत. त्यांच्या या प्रेरणादायी सायकल प्रवासाबाबत त्यांनी लोकल 18 ला माहिती दिली आहे.