MPSC मध्ये तब्बल 16 वेळा अपयश, सुरू केला स्वतःचा व्यवसाय, आज वर्षाला 1 कोटी रुपयांची उलाढाल

सोलापूर जिल्ह्यातील मोहळ तालुक्यातील माझं एक छोटस गाव आहे. माझी आई आणि भाऊ शेती करतात तर वडील पतसंस्थेमध्ये काम करत होते. एमपीएससी करण्यासाठी 2012 मध्ये पुण्याला आलो. मग एमपीएससीची परीक्षा खूप वेळा दिली. मात्र, खूप वेळा प्रयत्न करून अपयश आले. तेव्हा प्रथम 2022 मध्ये हॉस्टेलच्या व्यवसायाला सुरुवात केली. परंतु त्यासाठी पैसे हवे होते आणि घरची तेवढी आर्थिक परिस्थितीही नव्हती. त्यामुळे मित्रांकडून तसेच काही नातेवाईकांकडून पैसे घेऊन ही सुरुवात केली. सुरुवातीला भाड्याने एक हॉस्टेल सुरु करण्यासाठी जवळपास 5 लाखापर्यंत गुंतवणूक केली होती.