तो पत्नीला भेटायला गुजरातला निघाला, पण तो एक कॉल अन् प्रतिकनं पुण्यातच संपवलं आयुष्य

मिळालेल्या माहितीनुसार, प्रतीक याची पत्नी काही दिवसांपासून गुजरात येथे होती. या दाम्पत्यामध्ये गेल्या काही काळापासून सतत खटके उडत होते. बुधवारी प्रतीक आपल्या पत्नीला परत आणण्यासाठी गुजरातला जाण्याच्या तयारीत होता. जाण्यापूर्वी त्याने पत्नीशी फोनवरून संवाद साधला. मात्र, या संवादादरम्यान पुन्हा एकदा जुन्या कारणांवरून त्यांच्यात जोरदार वाद झाला.

फोनवरील वादाने प्रतीक इतका व्यथित झाला की, त्याने रागाच्या भरात टोकाचा निर्णय घेत विष प्राशन केले. प्रकृती बिघडल्यानंतर त्याला तातडीने जवळच्या रुग्णालयात उपचारासाठी दाखल करण्यात आले. मात्र, डॉक्टरांनी शर्थीचे प्रयत्न करूनही उपचारादरम्यान त्याचा मृत्यू झाला. अवघ्या २३ व्या वर्षी प्रतीकने उचललेल्या या पावलामुळे घनवटे कुटुंबावर दुःखाचा डोंगर कोसळला आहे.