तरुणांसाठी मोठी अपडेट! प्राध्यापक भरती प्रक्रियेचे नियम बदलले, नवीन निकष काय असणार? माहिती आली समोर

मुंबई : राज्यातील सार्वजनिक विद्यापीठे आणि संलग्न वरिष्ठ महाविद्यालयांमधील प्राध्यापक भरती प्रक्रिया दीर्घकाळ रखडल्याने निर्माण झालेला ताण अखेर कमी होण्याची चिन्हे दिसू लागली आहेत. उच्च व तंत्रशिक्षण विभागाने बुधवारी सुधारित कार्यपद्धती जाहीर करत भरती प्रक्रियेला नव्याने गती देण्याचा निर्णय घेतला आहे. नागपूर येथे झालेल्या हिवाळी अधिवेशनात उच्च व तंत्रशिक्षण मंत्री चंद्रकांत पाटील यांनी जाहीर केलेल्या ६०:२०:२० या गुणांकन पद्धतीचा या नव्या आदेशात समावेश करण्यात आला आहे.