Weather Update: महाराष्ट्रात वारं बदललं, थंडीचा कडाका आता कुठे वाढणार? हवामानाची नवी अपडेट्स

अमरावती : जानेवारीच्या सुरवातीपासूनच राज्यात थंडीचा जोर वाढण्यास सुरुवात झाली. त्यानंतर राज्यातील वातावरणात सातत्याने बदल होताना दिसून येत आहे. उत्तर महाराष्ट्र, विदर्भ आणि मराठवाड्यात गेले काही दिवस थंडीचा कडाका कायम होता. गेल्या काही दिवसांच्या तुलनेत 8 जानेवारीला राज्यातील प्रमुख शहरांतील किमान तापमानात 2 अंशांनी वाढ झालेली दिसून येत आहे. त्यामुळे राज्यात थंडीचा जोर काहीसा कमी होणार असल्याची शक्यता हवामान विभागानं वर्तवली आहे.