Sassoon Hospital : 'त्या' प्रकरणात ससून, पोलीस अन् तुरुंग प्रशासनाची CID चौकशी व्हावी, काँग्रेसची मागणी

पुणे, 4 ऑक्टोबर (वैभव सोनवणे, प्रतिनिधी) : पुण्यातील प्रसिद्ध ससून रुग्णालय सध्या वादाच्या भोवऱ्यात सापडलं आहे. रुग्णालयात उपचार घेणारा आरोपी येथून ड्रग रॅकेट चालवत असल्याची धक्कादायक माहिती समोर आली आहे. यानंतर आरोग्य विभागात खळबळ उडाली आहे. या प्रकरणी आता काँग्रसेही आक्रमक झाली आहे. ससून रुग्णालायात उपचार घेत असलेला कैदी ललित पाटील हा तेथून अमली पदार्थाचे रॅकेट चालवत होता. पोलिसांनी पकडल्यावर तो तेथून पळून गेला. हा सारा घटनाक्रम संशयस्पद असून या संपूर्ण प्रकरणाची सखोल चौकशी करावी अशी मागणी काँग्रेस आमदार रविंद्र धंगेकर यांनी पत्राद्वारे गृहमंत्री देवेंद्र फडणवीस यांच्याकडे केली आहे.