धाड् धाड् धाड्! पुणे पुन्हा गोळीबारानं हादरलं, वाळू व्यावसायिकावर हल्ला

खडकवासला येथून दहा किलोमीटरवर असलेल्या खानापूर गावात पूर्व वैमनस्यातून शनिवारी मध्यरात्री दोन गटात गोळीबारची घटना घडली होती. यामध्ये, एक जण मयत झाला असून दुसरा गंभीर जखमी झाला. जखमीवर खाजगी रुग्णालयात उपचार सुरू आहेत. परिस्थिती पुन्हा आता बाहेर जाऊ नये म्हणून पुणे ग्रामीण पोलिसांकडून गावात मोठा बंदोबस्त ठेवण्यात आला आहे. पुणे- पानशेत रस्त्यावरील बाजारपेठ असलेल्या या गावात शनिवारी मध्यरात्री एक वाजण्याच्या सुमारास खानापूर ते सांबरेवाडी रस्त्यावर ही घटना घडल्याची माहिती मिळते.