Pune News : एक वही एक पेन उपक्रमाची सर्वत्र चर्चा, पुण्यातील हा उपक्रम नेमका आहे तरी काय?

येणाऱ्या भाविकांकडून फुलहार न स्वीकारता त्यांच्याकडून विद्यार्थ्यांसाठी एक वही एक पेन नैवेद्य म्हणून अर्पण करण्याचे आव्हान केले जाते. यामधून जवळपास 1000 च्या संख्येने वही पेन हे जमा होत आहेत. यामधून नक्कीच शाळकरी मुलांना फायदा हा होत आहे.

विद्येची देवता म्हणून गणपतीची पूजा केली जाते. गणपतीसाठी फुल, हार, नारळ हे आपण अर्पण करत असतो. ते जितके गरजेचे तेच लक्षात घेऊन एक वही एक पेन हा उपक्रम मागील 4 वर्षांपासून राबवण्यात येत आहे. आजच्या काळात शिक्षणाला खूप महत्त्व आहे, ते लक्षात घेत येणाऱ्या भाविकांनी बाप्पाच्या दर्शनाला येताना फुलहार न आणता नागरिकांनी येताना एक वही एक पेन आणावा.

हे सर्व साहित्य जे आहे, ते ग्रामीण भागातील तसेच वस्ती पातळीवरील जी मूल आहे, त्यांच्यापर्यंत हे साहित्य पोहचवले जाते. तर एकूण संपूर्ण गणेश उत्सवात 80 डझन वह्या, पेन हे जमा झाले आहेत. नागरिकांचा या उपक्रमाला चांगला प्रतिसादही मिळत आहे. सुरुवातीला लोकांचा अगदी कमी प्रतिसाद होता. मात्र, आता लोक स्वतः येत हे वही पेन देत आहेत, अशी माहिती मंडळाचे अध्यक्ष सुधीर ढमाले यांनी दिली. त्यांचा हा उपक्रम निश्चितच कौतुकास्पद आहे.