Ganeshotsav 2025: गणपती विसर्जन मिरवणूक 4 तासांत उरकणार, पुण्यातील मंडळांचा मोठा निर्णय

पुणे: सर्वांचा लाडका गणेशोत्सव अवघ्या काही दिवसांवर येऊन ठेपला आहे. सांस्कृतीक नगरी असलेल्या पुण्यातील गणेशोत्सव जगभरातील गणेशभक्तांसाठी पर्वणी असते. पुण्यातील सार्वजनिक गणेशोत्सव आणि पुण्यातील विसर्जन मिरवणूक पाहण्यासाठी लाखो भाविक पुण्यात येत असतात. ही मिरवणूक कित्येक तास चालते. या काळात गर्दी नियंत्रित करताना प्रशासनाची दमछाक होते. मात्र, यावर्षी थोडं वेगळं नियोजन केलं जाणार आहे. टिळक रस्त्यावरील गणेश विसर्जन मिरवणूक लवकर संपावी म्हणून गणेश मंडळ कार्यकर्त्यांनी आणि पोलीस प्रशासनाने महत्वाचे निर्णय घेतले आहे.