दोघं सोबतच काम करायचे; मग त्या दिवशी काय घडलं? पुण्यात सहकाऱ्यानंच तरुणाला इमारतीवरून ढकलून मारलं

केशवकुमार महतो (वय २६, मूळ रा. बिहार, सध्या रा. चिखली) असं या घटनेत मृत्यू झालेल्या तरुणाचं नाव आहे. तो आणि संशयित आरोपी पुनीत राम नक्षत्र शुक्ला (वय २८, मूळ रा. बिहार) हे दोघेही वाल्हेकरवाडी येथे एका घराच्या दुरुस्तीचे काम करत होते. कामाच्या दरम्यान त्यांच्यात कोणत्यातरी कारणावरून वाद झाला. हा वाद इतका विकोपाला गेला की, पुनीतने संतापून केशवकुमारला दुसऱ्या मजल्यावरून थेट खाली ढकलून दिलं. उंचावरून पडल्याने केशवकुमारला गंभीर दुखापत झाली आणि त्याचा मृत्यू झाला.