Pune Mumbai Expressway: थर्टी फर्स्टआधीच लोणावळ्यात पर्यटकांचा 'महापूर'; पुणे-मुंबई महामार्गावरील वाहतुकीत हा मोठा बदल

लोणावळा: नाताळची सुट्टी, विकेंड आणि सरत्या वर्षाला निरोप देऊन नवीन वर्षाच्या स्वागतासाठी लोणावळा-खंडाळ्यात पर्यटकांनी मोठी गर्दी केली आहे. त्यामुळे मुंबई-पुणे राष्ट्रीय महामार्गावर वाहनांच्या लांबच लांब रांगा लागल्या आहेत. वाढत्या वाहतूक कोंडीवर नियंत्रण मिळवण्यासाठी महामार्ग पोलिसांनी महत्त्वाचं पाऊल उचललं आहे. यानुसार, या मार्गावरील अवजड वाहनांच्या वाहतुकीवर तात्पुरती बंदी घातली असून काही महत्त्वाच्या ठिकाणी एकमार्गी वाहतुकीचा निर्णय घेतला आहे.गुरुवारी दुपारपर्यंत वाहनांचा ओघ प्रचंड वाढल्याने पोलिसांना ही परिस्थिती हाताळताना मोठी कसरत करावी लागली.