सातव्या मजल्यावर अडकली लिफ्ट; तरुण बाहेर येण्याचा प्रयत्न करत असतानाच मृत्यूनं गाठलं, पुण्यात 11 जणांवर गुन्हा

मिळालेल्या माहितीनुसार, दिनेश सुरंगे हे लिफ्टने खाली जात असताना तांत्रिक बिघाडामुळे लिफ्ट सहाव्या आणि सातव्या मजल्याच्या दरम्यान अडकली. दिनेश यांना बाहेर काढण्याचे प्रयत्न सुरू असतानाच अचानक लिफ्टची मुख्य केबल तुटली. क्षणात लिफ्ट अत्यंत वेगाने सातव्या मजल्यावरून थेट जमिनीवर कोसळली. या भीषण धडकेत दिनेश गंभीर जखमी झाले आणि त्यांचा मृत्यू झाला. या प्रकरणी त्यांचे बंधू रितेश रामा सुरंगे यांनी तळेगाव दाभाडे पोलीस ठाण्यात तक्रार दिली आहे.