नासाचा पराक्रम, आर्टेमिस-2 चा नवा विक्रम; 54 वर्षांनी काय घडलं? पुणेकर आरुषने Video तून सांगितलं

या कॅप्सूलमध्ये अंतराळवीरांना राहण्यासाठी आणि कामासाठी आवश्यक सर्व सुविधा देण्यात आल्या आहेत. अंतराळात शरीर तंदुरुस्त राहावे यासाठी दररोज साधारण दोन तास व्यायाम केला जातो. हे यान चंद्राजवळ साधारण 6,900 किलोमीटर अंतरावर पोहोचल्यानंतर पृथ्वीच्या दिशेने परतीचा प्रवास सुरू करणार आहे.

या मोहिमेदरम्यान अंतराळवीरांना चंद्राच्या मागील बाजूकडून पृथ्वीचे दुर्मिळ दृश्य पाहायला मिळाले. पृथ्वी आणि चंद्र एकाच फ्रेममध्ये दिसल्याने अंतराळातील दृश्य अधिक स्पष्टपणे पाहता आले. तसेच या प्रवासात अंतराळातून सूर्यग्रहणही पाहायला मिळाले. चंद्र, सूर्य आणि अंतराळयान एका रेषेत आल्यामुळे काही काळासाठी सूर्य चंद्राच्या आड गेला. त्यामुळे सूर्याच्या बाहेरील थराचा म्हणजेच कोरोनाचा अभ्यास करण्याची संधी मिळाली.