ना पत्नी, ना मुलगा… शिवसेनेकडून धंगेकर कुटुंबाला डच्चू! आता पुढचा डाव काय?

पुणे :  रवींद्र धंगेकर यांची जागावाटपामध्ये भाजपकडून कोंडी होत असल्याचं दिसून येत आहे. रवींद्र धंगेकर यांचा मुलगा प्रणव धंगेकर अपक्ष निवडणूक लढण्याचा तयारीत असल्याचंही सांगितलं जात आहे. जागावाटपावरून महायुतीत तिढा निर्माण झाला आहे. निवडून न येणाऱ्या जागा भाजप आम्हाला देत असल्याचा धंगेकर यांचा आरोप आहे. पुण्यातील प्रभाग क्रमांक 24 मध्ये रवींद्र धंगेकरांचा मुलगा आणि पत्नी यांना महायुतीने उमेदवारी नाकारली. या दोघांनाही महायुतीत उमेदवारी मिळावी यासाठी रवींद्र धंगेकरांनी उपमुख्यमंत्री एकनाथ शिंदे यांच्यापर्तंय प्रयत्न केले मात्र भाजपने प्रभाग 24 मध्ये दोघांनाही उमेदवारी न देऊन त्यांची कोंडी केली आहे. त्यामुळे आता रवींद्र धंगेकर आता आपल्या मुलासाठी आणि पत्नीसाठी वेगळा पर्याय शोधण्याच्या तयारीत दिसत आहेत.