Passport Mobile Camp : पुणेकरांसाठी सुवर्णसंधी, विद्यापीठात पासपोर्ट मोबाईल कॅम्पचे आयोजन, असा घ्या फायदा

पुणे: पुणेकरांसाठी एक महत्त्वाची बातमी आहे. पुणे प्रादेशिक पासपोर्ट कार्यालय (आरपीओ) 24 सप्टेंबर ते 1 ऑक्टोबर दरम्यान सावित्रीबाई फुले पुणे विद्यापीठात (एसपीपीयू) आठवडाभर चालणारा पासपोर्ट मोबाईल कॅम्प आयोजित करण्यात येणार आहे. हा उपक्रम परराष्ट्र मंत्रालयाकडून नागरिकांना अधिक सोयीस्कर सेवा देण्यासाठी आयोजित केला जात आहे. या कॅम्पमध्ये अर्ज भरता येणार आहे तसेच, दस्तऐवज तपासता येतील आणि अर्जदारांना पासपोर्ट संदर्भात मार्गदर्शन देखील मिळणार आहे. नियोजित कालावधीत पासपोर्ट मोबाईल व्हॅन वाणिज्य विभाग, एसपीपीयू येथे उपलब्ध राहील. फक्त आठवड्याच्या शेवटी, म्हणजे 27 आणि 28 सप्टेंबरला ही सुविधा उपलब्ध होणार नाही.