सातवीतील मुलीला चक्कर आली म्हणून दवाखान्यात नेलं अन् आईच्या पायाखालची जमीन हादरली; पुण्यातील त्या प्रकरणात पुढं काय घडलं?

पुणे : पुण्यातील एका ॲग्रो टुरिझम फार्मवर सातवीत शिकणाऱ्या १३ वर्षांच्या चिमुरडीवर अत्याचार करणाऱ्या नराधमाला अखेर त्याच्या कर्माची फळं मिळाली आहेत. पुण्याच्या विशेष न्यायालयाने आरोपी बजरंग रामचंद्र खोपडे (वय ३५) याला २० वर्षे सक्तमजुरीची कठोर शिक्षा सुनावली आहे. आधुनिक वैद्यकीय विज्ञानातील डीएनए (DNA) चाचणी या खटल्यात आरोपीला शिक्षा सुनावण्यासाठी सर्वात महत्त्वाचा दुवा ठरली.