पुण्यात छतावर पाण्याची टाकी बसवायला चढलेला तरुण परतलाच नाही, आईला मोठा धक्का, पोलिसात धाव, काय घडलं?

मिळालेल्या माहितीनुसार, एरंडवणे परिसरातील गुलमोहर अपार्टमेंटच्या आवारात एक पॅथॉलॉजी लॅबोरेटरी आहे. या लॅबोरेटरीला पाणीपुरवठा करण्यासाठी छतावर नवीन प्लॅस्टिक टाकी बसवण्याचे काम शुक्रवारी (दि. २० मार्च) दुपारी सुरू होते. राहुल श्रीकांत सतनामी (वय २१, रा. धायरी, सिंहगड रस्ता) हा तरुण हे काम करत होता. टाकीला आधार देण्यासाठी लोखंडी गजाचा वापर करण्यात आला होता. मात्र, काम सुरू असताना अचानक हा गज तुटला आणि अवजड टाकी थेट राहुलच्या अंगावर कोसळली.