Hadapsar Diveghat Road: पुणेकरांसाठी महत्त्वाची बातमी; हडपसर-दिवेघाट मार्ग आज या वेळेत वाहतुकीसाठी पूर्णपणे बंद, कारण काय?

पुणे: पुणे-पंढरपूर पालखी महामार्गावरून प्रवास करणाऱ्या वाहनचालकांसाठी एक अत्यंत महत्त्वाची बातमी आहे. हडपसर ते दिवेघाट दरम्यान सुरू असलेल्या रस्ता रुंदीकरणाच्या कामासाठी आज, सोमवार (२३ फेब्रुवारी) रोजी दुपारी दोन तास वाहतूक पूर्णपणे थांबवण्यात येणार आहे. महामार्गावरील धोकादायक वळणे आणि खडक फोडण्यासाठी केल्या जाणाऱ्या 'ब्लास्टिंग'मुळे (स्फोट) सुरक्षेच्या कारणास्तव हा निर्णय घेण्यात आला आहे.