एक फोन करायचाय, मोबाईल देता का? ओळखीच्या व्यक्तीवर विश्वास ठेवला, पुण्यातील महिलेसोबत नको ते घडलं

पुणे : "जरा फोन करायचा आहे, तुमचा मोबाईल देता का?" असं म्हणत विश्वासाने घेतलेल्या मोबाईलचा वापर भलत्याच कामासाठी झाला. यात एका ५६ वर्षीय महिलेला तब्बल एक लाख रुपयांचा चुना लावल्याचा प्रकार उघडकीस आला आहे. मारुंजी परिसरात घडलेल्या या 'डिजिटल' चोरीप्रकरणी हिंजवडी पोलिसांनी जळगावच्या एका तरुणाविरुद्ध गुन्हा दाखल केला आहे. ओळखीच्या व्यक्तींवरही डोळे झाकून विश्वास ठेवणे किती धोक्याचे ठरू शकते, हे पुन्हा एकदा सिद्ध झाले आहे.