आता मेट्रोच्या नावाखाली धक्कादायक प्रकार; पुण्यातील पती-पत्नीला पावणेचार कोटीचा गंडा, सत्य समजताच पुरते हादरले

आरोपींच्या आमिषाला बळी पडून या दाम्पत्याने वेळोवेळी तब्बल ३ कोटी ७८ लाख रुपये त्यांच्याकडे सुपूर्द केले. मात्र, महिने उलटूनही कोणताही परतावा मिळाला नाही. फिर्यादी महिलेने जेव्हा आपल्या हक्काचे पैसे परत मागितले, तेव्हा आरोपींनी आपला खरा चेहरा दाखवला. पैसे देण्याऐवजी आरोपींनी त्यांना शिवीगाळ केली आणि "तुमच्यावर सावकारीचा खोटा गुन्हा दाखल करू," अशी धमकी दिली. आपली फसवणूक झाल्याचे लक्षात येताच महिलेने पोलीस ठाण्यात धाव घेतली.