पुणे हादरलं! आईबद्दल अपशब्द वापरल्यानं सटकली; शेजाऱ्यांमध्ये भीषण रक्तरंजित संघर्ष

पुणे: किरकोळ कारणावरुन मारहाणीच्या घटनांमध्ये मागील काही दिवसांपासून प्रचंड वाढ झाली आहे. आता पुन्हा एकदा अशीच एक धक्कादायक घटना पुणे जिल्ह्यातून समोर आली आहे. यात मुळशी तालुक्यातील नांदे (कृष्णानगर) परिसरात किरकोळ वादाचे रूपांतर भीषण रक्तरंजित संघर्षात झाल्याची घटना समोर आली आहे. शेजाऱ्यांशी झालेल्या शाब्दिक चकमकीनंतर एका कुटुंबातील सदस्यांनी संगनमत करून दुसऱ्या कुटुंबावर धारदार शस्त्रांनी हल्ला चढवला. या हल्ल्यात तीन जण गंभीर जखमी झाले असून परिसरात दहशतीचे वातावरण निर्माण झाले आहे.