advertisement

ते दोघं मित्र-मैत्रीण दुचाकीवर निघालेले; पण रस्त्यातच तिच्या डोळ्यादेखत नितीनला मृत्यूनं गाठलं, पुण्यात भयंकर घडलं

Last Updated:

नितीन आणि त्याची मैत्रीण हे दोघेही महाविद्यालयात शिक्षण घेत होते. गुरुवारी रात्री पावणे दहाच्या सुमारास ते दोघे दुचाकीवरून नवले पुलाकडून कात्रजच्या दिशेने निघाले होते.

पुण्यात भीषण अपघात (AI Image)
पुण्यात भीषण अपघात (AI Image)
पुणे:पुण्यातील नवले पूल परिसर हा अपघातांचे केंद्र बनला असून, या ठिकाणी पुन्हा एकदा एका तरुणाला प्राणाला मुकावे लागले आहे. गुरुवारी (१२ फेब्रुवारी) रात्री दुचाकीवरून निघालेल्या महाविद्यालयीन मित्र-मैत्रिणीला एका भरधाव आराम बसने चिरडले. या भीषण अपघातात १९ वर्षीय तरुणाचा जागीच मृत्यू झाला, तर त्याची मैत्रीण गंभीर जखमी झाली आहे.
नेमकी घटना काय?
नितीन जुनवणे (वय १९, रा. धायरी फाटा) असे मृत तरुणाचे नाव आहे. नितीन आणि त्याची मैत्रीण हे दोघेही महाविद्यालयात शिक्षण घेत होते. गुरुवारी रात्री पावणे दहाच्या सुमारास ते दोघे दुचाकीवरून नवले पुलाकडून कात्रजच्या दिशेने निघाले होते. यावेळी मागून येणाऱ्या एका खासगी आराम बसने त्यांच्या दुचाकीला डाव्या बाजूने जोरदार धडक दिली.
advertisement
ही धडक इतकी भीषण होती की, नितीन रस्त्यावर फेकला गेला आणि गंभीर जखमी झाला. त्याला तातडीने जवळच्या रुग्णालयात नेण्यात आले, मात्र डॉक्टरांनी त्याला तपासून उपचारापूर्वीच मृत घोषित केले. या अपघातात त्याची मैत्रीणही जखमी झाली असून तिच्यावर उपचार सुरू आहेत. आपल्या डोळ्यादेखत मित्राचा झालेला शेवट पाहून तिला मोठा मानसिक धक्का बसला आहे.
advertisement
बसचालक पसार
अपघातानंतर बसचालक भीतीपोटी घटनास्थळावरून पसार झाला आहे. याप्रकरणी जखमी तरुणीने दिलेल्या फिर्यादीवरून भारती विद्यापीठ पोलिसांनी बसचालकाविरोधात गुन्हा दाखल केला आहे. पोलीस उपनिरीक्षक प्रियांका निकम या प्रकरणाचा अधिक तपास करत असून, फरार चालकाचा शोध घेतला जात आहे.
view comments
मराठी बातम्या/पुणे/
ते दोघं मित्र-मैत्रीण दुचाकीवर निघालेले; पण रस्त्यातच तिच्या डोळ्यादेखत नितीनला मृत्यूनं गाठलं, पुण्यात भयंकर घडलं
Next Article
advertisement
मुंबई-नाशिक मार्गावर 131 KMचा नवा रेल्वे ट्रॅक; कनेक्टिव्हिटी वाढणार, प्रवास सुपरफास्ट; मोदी सरकारचा मेगा प्लान
मुंबई-नाशिक मार्गावर नवा रेल्वे ट्रॅक; कनेक्टिव्हिटी वाढणार, प्रवास सुपरफास्ट
  • महाराष्ट्रासाठी मोदी सरकारची मोठी भेट

  • प्रवासाचा वेग वाढणार आणि खर्च कमी होणार

  • थेट ज्योतिर्लिंगापर्यंत कनेक्टिव्हिटी वाढणार

View All
advertisement