गॅस तुटवड्यादरम्यान पुण्यात शास्त्रज्ञांचा मोठा प्रयोग; आता 'कचऱ्यापासून' मिळणार घरगुती गॅस; पाहा, नेमकं कसं?

पुणे : सध्या गॅस तुटवड्याची भीतीनं सिलिंडरसाठी लोक मोठमोठ्या रांगा लावताना दिसत आहे. अशातच आता एक सकारात्मक बातमी समोर आली आहे. घरगुती एलपीजी सिलिंडरच्या वाढत्या किमती आणि आयातीवरील अवलंबित्व कमी करण्यासाठी पुणे येथील राष्ट्रीय रासायनिक प्रयोगशाळेच्या शास्त्रज्ञांनी एक क्रांतिकारी यश संपादन केले आहे. कचऱ्यापासून 'डायमेथाइल इथर' हा इंधन वायू तयार करण्यात शास्त्रज्ञांना यश आले आहे. त्यामुळे, एलपीजीला हा एक स्वदेशी आणि स्वस्त पर्याय ठरणार आहे.