Pune Accident: 4 वर्षाचा आरव आईचा हात धरून ओलांडत होता रेल्वे रूळ, वेगात ट्रेन आली अन् क्षणात सगळंच संपलं

कविता अर्जुन चव्हाण (वय ३०) आणि त्यांचा मुलगा आरव अर्जुन चव्हाण (वय ४, रा. शिरोली, चाकण) अशी मृतांची नावे आहेत. चव्हाण कुटुंब मूळचे सोलापूर जिल्ह्यातील अक्कलकोटचे रहिवासी असून गेल्या काही वर्षांपासून ते कामानिमित्त खेड तालुक्यातील चाकण (शिरोली) येथे वास्तव्यास होते. चार दिवसांपूर्वी अक्कलकोट येथे एका धार्मिक कार्यासाठी ते गेले होते. तिथून रेल्वेने परत येत असताना ते कासारवाडी स्थानकावर उतरले. रात्रीची वेळ असल्याने आणि प्लॅटफॉर्म बदलण्याच्या घाईत कविता आपल्या मुलाला घेऊन रेल्वे रूळ ओलांडत होत्या. त्याच वेळी वेगाने आलेल्या रेल्वेने त्यांना जोराची धडक दिली.