Central Railway: वर्षाअखेर फिरायचा प्लॅन? पुण्यातून थेट प्रयागराजला ट्रेन, पाहा वेळापत्रक

पुणे : हिवाळी हंगामात उत्तर भारताकडे जाणाऱ्या प्रवाशांची वाढती गर्दी लक्षात घेता मध्य रेल्वेने पुणे ते प्रयागराज दरम्यान दोन एकमार्गी विशेष रेल्वेगाड्या चालविण्याचा निर्णय घेतला आहे. या गाड्या विशेष शुल्कावर चालविण्यात येणार असून, त्यामुळे प्रवाशांना दिलासा मिळणार आहे. सण-उत्सव आणि सुट्यांच्या पार्श्वभूमीवर प्रयागराजकडे जाणाऱ्या प्रवाशांची संख्या मोठ्या प्रमाणात वाढत असल्याने हा निर्णय घेण्यात आला आहे.